Հոկտեմբերի 27-ի ողբերգական սպանությունների 19-րդ տարելիցի հիշատակի արարողությանը մասնակցելուց հետո վարչապետի պաշտոնակատար Նիկոլ Փաշինյանը ճեպազրույց է ունեցել լրագրողների հետ, անդրադարձել է նաև առաջիկայում նախատեսվող համաներմանը։
Ցմահ ազատազրկված անձանց վերաբերյալ Փաշինյանը նշել է, որ իր կարծիքով, մարդ սպանելու համար դատապարտված որևէ անձ չպետք է համաներման ենթարկվի։
«Բայց ես կարծում եմ, որ մենք իսկապես պետք է աշխատեցնենք պայմանական վաղաժամկետ ազատելու մեխանիզմը, պատժաչափերը փոխելու մեխանիզմը, ներման մեխանիզմը»,-ասել է վարչապետի պաշտոնակատարը՝ այն հիմնավորելով անհատական մոտեցման անհրաժեշտությամբ։
«Կաշխատենք, որ գործերը հատ-հատ նայվեն նորից»,- հավելել է Նիկոլ Փաշինյանը։
Առաջիկայում Ազգայյին ժողովում համաներման մասին քննարկվելիք նախագիծը չի տարածվելու ցմահ ազատազրկվածների վրա։
Ավելի վաղ ցմահ ազատազրկվածների հարազատները ցույց էին անում ԱԺ-ի դիմաց՝ առաջարկելով համաներումը տարածել նաև չորս խմբի ցմահների վրա։
Կարդացեք նաև՝
Ուզում եմ հիասթափեցնել Վիգեն Սարգսյանին․ Նիկոլ Փաշինյան
Եթե շահավետ առաջարկ լինի, կքննարկենք․ Նիկոլ Փաշինյանը՝ ԱՄՆ-ից զենք գնելու մասին