Թուրքիայի Բարձրագույն ընտրական խորհուրդը մայիսի 6-ին որոշում է ընդունել Ստամբուլի քաղաքապետի նոր ընտրություններ անցկացնելու վերաբերյալ․ այս մասին հայտնում են թուրքական լրատվամիջոցները։
Մարտի 31-ին կայացած ընտրություններում հաղթել է ընդդիմադիր քեմալական կուսակցության թեկնածու Էքրեմ Իմամօղլուն: Ընտրության արդյունքները բողոքարկել են նախագահ Էրդողանի գլխավորած «Արդարություն ու զարգացում» կուսակցությունն ու նրա կոալիցիոն գործընկերը՝ «Ազգայնական շարժումը»: Էրդողանն ու իր թիմակիցները չեն հաշտվում երկրի խոշորագույն քաղաքի ու առևտրաարդյունաբերական հանգույցում պարտության մտքի հետ:
Ինքը՝ Էրդողանը, համոզված է, որ ընտրությունները խախտումներով են անցել: Ընդդիմությունը կարծում է, որ Էրդողանը նման կոշտ հայտարարություններով փորձում է ճնշում գործադրել Բարձրագույն ընտրական խորհրդի վրա:
Բարձրագույն ընտրական խորհրդի որոշմամբ նոր ընտրությունը կկայանա հունիսի 23-ին։
Թեմայի շուրջ ավելին՝ ամփոփման մեջ։
Լուսանկարում՝ Էքրեմ Իմամօղլուն
