Ռուսաստանի Պրեմիեր լիգայում հանդես եկող Կրասնոդարի համանուն թիմի գլխավոր տնօրեն Վլադիմիր Հաշիգը հայտարարել է, որ ակումբը չի պատրաստվում վաճառել թիմի գլխավոր ռմբարկու Հայաստանի հավաքականի հարձակվող Յուրա Մովսիսյանին:
«Միշտ ցանկանում ես, որ քո ակումբը լավագույնը լինի: Կարող եմ վստահեցնել, որ թիմի կազմում գլոբալ փոփոխություններ չեն լինի: Կփորձենք քայլ առ քայլ առաջ ընթանալ: Կուժեղացնենք այն դիրքերը, որոնք դրա կարիքն ունեն: Կարելի է ասել, որ մենք փնտրում ենք և գտել ենք պաշտպան, ինչպես նաև հարձակվող և կիսապաշտպան:
Ո՞վ կհեռանա ակումբից: Կարող եմ վստահեցնել, որ Յուրա Մովսիսյանն անպայման կմնա թիմում: Մենք ցանկանում ենք, որ այդ հարձակվողը կարիերան շարունակի «Կրասնոդարում»: Այդուհանդերձ, ոչ ոք չի պատրաստվում նրան բռնի ուժով պահել»,- «Կրասնոդարի» գլխավոր տնօրենի խոսքերն է մեջբերում Nezavisimaya Gazeta-ն:
Մարզական գործընկեր` SportArmenia.com
