Ադրբեջանը շատ լավ գիտի՝ ինչքան խոցելի է Արցախի հարցում. Արամ Վարդևանյան

Ինչո՞ւ Հայաստանի իշխանությունները չեն օգտագործում «ինքնորոշման իրավունք» արտահայտությունը՝ խոսելով Արցախի մասին․ այսպիսի հարց բարձրացրեց «Հայաստան» խմբակցության պատգամավոր Արամ Վարդևանյանը ՍիվիլՆեթի Գևորգ Թոսունյանի հետ զրույցում։ Նա ասում է, որ Արցախի շուրջ բանակցությունները հասել էին մի կետի, երբ տարածքային ամբողջականության ու ազգերի ինքնորոշման սկզբունքների միջև հավասարություն էր դրվել, սակայն Նիկոլ Փաշինյանի իշխանությունը չի օգտվում ստեղծված իրավիճակից։ Վարդևանյանը նաև անդրադարձավ Արցախում հումանիտար խնդիրներին և հայ-թուրքական հարաբերությունների կարգավորմանը։