Գուրգեն Մարգարյանի ծննդյան օրը երթ կկազմակերպվի

Սեպտեմբերի 26-ին` Գուրգեն Մարգարյանի ծննդյան օրը, ԵՊՀ «Երիտասարդ համալսարանականների միավորում» հասարակական կազմակերպությունը երթ կկազմակերպի դեպի Եռաբլուր` ի հիշատակ հայ սպա Գուրգեն Մարգարյանի:

Երթը կմեկնարկի ժամը 12:30-ին Եռաբլուրի ներքևի հատվածից: Մասնակիցները կշարժվեն դեպի Եռաբլուրի եկեղեցի, որտեղից էլ կայցելեն Գուրգեն Մարգարյանի շիրիմին: Նախատեսվող միջոցառման ժամանակ, որը կսկսվի ժամը 13:00-ին, կհնչեն ելույթներ: Երթի կազմակերպիչների թվում է «Գուրգեն Մարգարյան» հասարակական կազմակերպությունը: