Երևանի ավագանու ընտրություններին խորհրդարանի ընդդիմադիր կուսակցությունները չեն մասնակցում: Ընդդիմության դիրքորոշման և դրա քաղաքական հետևանքների մասին ՍիվիլՆեթի Արշալույս Մղդեսյանը զրուցել է ՀՅԴ անդամ, ԱԺ «Հայաստան» խմբակցության պատգամավոր Արթուր Խաչատրյանի հետ:
-
Ի՞նչ է կատարվում փակ Կիրանցում
Կիրանց տանող ճանապարհը երկու օր է՝ փակ է: Բազմաթիվ ոստիկանական ուժեր շարունակում են այնտեղ հսկողություն իրականացնել, բայց ՍիվիլՆեթի թիմին հաջողվել է հասնել Կիրանց գյուղ։ Բնակիչների խոսքով՝ ընթացքի մեջ են ականազերծման աշխատանքները, շուտով կսկսեն սահմանագծել Կիրանցի հատվածը։
-
Հ1-ի «Լուրեր»-ում Տավուշի բնակիչները բացակա են
Շուշան Ստեփանյան, #CivilNetCheck Ադրբեջանի և Հայաստանի՝ Տավուշի մարզի որոշ հատվածներում սահմանազատում իրականացնելու որոշումից հետո մեկնարկած բողոքի ցույցերը Հայաստանի հանրային հեռուստաընկերությունը (Հ1) լուսաբանում է հատվածական՝ ամբողջական չներկայացնելով բողոք բարձրացրած մարդկանց պահանջներն ու «ձայն չտալով» Տավուշի բնակիչներին։ Մայիսի 2-ի վաղ առավոտյան սև բերետավորները Տավուշի մարզի Կիրանց գյուղից բերման ենթարկեցին բողոքի ցույց անող 30 կիրանցցու։ Ավելի ուշ ազատ արձակված կիրանցցիները բողոքեցին, որ ոստիկանությունը իրենց բերման է ենթարկել՝ ուժ գործադրելով։ Նրանք ցույց են տվել ստացված վնասվածնքերը։ Ոստիկանության գործողությունից նաև տեսանյութ տարածվեց։ Այնուհետև ոստիկանությունը փակեց Կիրանց տանող ճանապարհը՝ գյուղի մուտքը սահմանափակելով միայն Կիրանցում գրանցվածների համար։ Հ1-ի «Լուրեր»-ի՝ մայիսի 2-ի գլխավոր թողարկման մեջ կարճ անդարդարձ կա […]
-
Ադրբեջանը դեմ չէ Սյունիքով անցնող ճանապարհին միջազգային ուժերի ներկայությանը․ Թաշճեան
Հայաստանը տարածաշրջանային հավասարումներում որոշ չափով մեկուսացած է, այդ պատճառով սահմանազատման հարցում Ադրբեջանին փոխզիջում պարտադրելը բարդ է, նշում է քաղաքագետ, միջազգային հարցերի փորձագետ Եղիա Թաշճեանը ՍիվիլՆեթի հետ զրույցում։ Նա անդրադառնում է Ադրբեջանը Նախիջևանին կապող ճանապարհի թեմային՝ նշելով, որ Բաքուն դեմ չէ, եթե ճանապարհը ռուսական ուժերի փոխարեն վերահսկեն միջազգային ուժերը, սակայն առանց որևէ հայկական վերահսկողության։ Ըստ նրա՝ եթե Վրաստանում ճգնաժամը խորանա, ապա կոմունիկացիայի հարցում Հայաստանը կարող է ենթարկվել Արևմուտքի և Չինաստանի ճնշումներին։
-
Արծվաբերդ․ խաղաղությունը, խաղողն ու մարդիկ
Արծվաբերդը Բերդի (Շամշադին) շրջանի ամենախոշոր գյուղերից է՝ 3 250 բնակչությամբ։ Այստեղ խաղողի այգիներն ավելի մոտ են ադրբեջանական դիրքերին, քան գյուղին։ Համայնքի առաջնային խնդիրը ճանապարհն է․ խոստացել են այն կառուցել։ ՍիվիլՆեթն այցելեց Արծվաբերդ, տեղացիների հետ խոսեց առօրեական խնդիրների, խաղաղության մասին։
-
Մամուլի ազատության համաթվում՝ Հայաստանը տարածաշրջանի առաջատար․ RSF
«Լրագրողներ առանց սահմանների» (RSF) կազմակերպության 2024 թվականի մամուլի ազատության համաթվում Հայաստանը 6 հորիզոնականով բարելավել է իր դիրքը՝ 71,6 միավորով զբաղեցնելով 43-րդ տեղը՝ նախորդ տարվա 49-ի փոխարեն։ Հայաստանում մամուլի ազատության վիճակը գնահատվում է «բավարար»: «Չնայած բազմակարծության միջավայրին՝ մամուլը շարունակում է բևեռացված մնալ: Երկիրը բախվում է աննախադեպ ապատեղեկատվության և ատելության խոսքի»,- ասված է ուսումնասիրությունում։ Ըստ կազմակերպության՝ լրատվամիջոցների բևեռացումն արտացոլում է քաղաքական դաշտի բևեռացումը։ Նշվում է, որ շատ լրատվամիջոցներ կապված են «2018-ից հետո ի հայտ եկած քաղաքական առաջնորդների հետ», մյուսները հավատարիմ են մնում «նախկին օլիգարխներին», իսկ պետական լրատվամիջոցները ձեռնպահ են մնում կառավարության հասցեին որևէ քննադատությունից։ Զեկույցի համաձայն՝ միայն մի քանի լրատվամիջոցներ են անկախ՝ […]
-
Ռեստորանները հնչեցվող երաժշտության դիմաց պետք է վճարեն հեղինակին, ասում է
Վարչապետ Նիկոլ Փաշինյանը մայիսի 2-ին այցելել է էկոնոմիկայի նախարարության մտավոր սեփականության գրասենյակ: Խորհրդակցության ընթացքում վարչապետը նշել է, որ մտավոր սեփականության պաշտպանության մեխանիզմները և դրանց լավարկումն էական առանցքային նշանակություն ունեն տնտեսության զարգացման և ներդրումային միջավայրի բարելավման առումով։ Մտավոր սեփականության գրասենյակի ղեկավար Քրիստինե Համբարյանը ներկայացրել է արդյունաբերական դիզայնների, ապրանքային նշանների գրանցման հայտերի վերաբերյալ տեղեկատվություն։ Նա նշել է, որ նախորդ տարիների համեմատ աճել է ազգային ընթացակարգով ստացված ապրանքային նշանների գրանցման հայտերի, ինչպես նաև միջազգային ընթացակարգով ՀՀ նշմամբ ստացված ապրանքային նշանների միջազգային հայտերի քանակը: Գրասենյակն իր մատուցած ծառայությունների դիմաց՝ մտավոր սեփականության օբյեկտների իրավական պահպանության հետ կապված գործողությունների համար գանձում է պետական տուրք: Նախորդ տարվ […]
-
Սահմանադրական կարգ է տապալվում․ պատերազմի մասնակիցը նստացույց է անում կառավարության
Տավուշում տեղի է ունենում սահմանադրական կարգի տապալում, եթե սահմանազատումն իրականացվի այնպես, ինչպես նախատեսում է կառավարությունը․ կարծում է 44-օրյա պատերազմի ու դրանից հետո սահմանային այլ գործողությունների մասնակից, «Ազատազէն» ՀԿ-ի ղեկավար Իշխան Գևորգյանը, որը երեկվանից նստացույց է սկսել կառավարության դիմաց՝ «Ես հաշտ չեմ» պաստառով։ «Եթե կարելի է մեկի հողը խլել ու տալ թշնամուն, ուրեմն կարելի է բոլորինն էլ խլել։ Հայաստանի տարածքներն ու հողը կարող է փոփոխվել միայն սահմանադրական հանրաքվեի միջոցով, մնացած տարբերակներն ապօրինի են»,- ասում է Իշխանը։Նրա կարծիքով՝ սահմանազատում պետք է լինի, սակայն լեգիտիմ ու համաձայնեցված։ «Սահմանազատումը չպետք է լինի հետևյալ տրամաբանությամբ՝ սա տվեք մեզ, հետո կհասկանանք՝ ինչ է լինելու։ Սա նշանակում […]
