Ֆրանսիայի պաշտպանության նախարար Սեբաստիան Լըկորնյուն կայցելի Հայաստան։ Այդ մասին նա հայտնել է RTL ռադիոկայանին տված հարցազրույցում։
«Շուտով կմեկնեմ Հայաստան խորհրդարանականների և արդյունաբերողների մեծ պատվիրակության հետ միասին։ Սա պատմության մեջ առաջին դեպքն է, երբ Ֆրանսիայի պաշտպանության և զինված ուժերի նախարարը Հայաստան է մեկնում»,- ասել է Լըկորնյուն:
Ֆրանսիայի զինված ուժերի նախարար @SebLecornu-ն՝
➡️ «Շուտով կմեկնեմ Հայաստան խորհրդարանականների և արդյունաբերողների մեծ պատվիրակության հետ միասին»,
➡️ «Սա առաջին անգամն է, որ Ֆրանսիայի պաշտպանության կամ զինված ուժերի նախարարն այցելում է Հայաստան»։ https://t.co/z4p1uhmiYj— Olivier Decottignies (@O_Decottignies) February 22, 2024
Երեկ՝ փետրվարի 21-ին, ՀՀ վարչապետ Նիկոլ Փաշինյանի գլխավորած պատվիրակության կազմում աշխատանքային այցով Ֆրանսիա է մեկնել պաշտպանության նախարար Սուրեն Պապիկյանը։
Երևանն ու Փարիզը հոկտեմբերին ռազմական համագործակցության համաձայնագիր ստորագրեցին, ըստ որի՝ Ֆրանսիան Երևանին կմատակարարի GM 200 ռադիոտեղորոշիչ կայաններ, փոքր հեռահարության Mistral հրթիռներ, ինչպես նաև կօգնի ուսումնասիրել ու հասկանալ՝ որոնք են Հայաստանի հակաօդային պաշտպանության խոցելի կետերը։ Ֆրանսիան նաև «Բաստիոն» զրահամեքենաներ և դրանց համար նախատեսված սարքավորումներ է ուղարկել Հայաստան։