«Զվարթնոց» միջազգային օդանավակայանում 2014թ. մայիսին ուղևորահոսքն անցած տարվա նույն ժամանակահատվածի համեմատ ավելացել է 36,9%-ով:
Պաշտոնական հաղորդագրության համաձայն` 2014թ մայիսին «Զվարթնոցի» ծառայություններից օգտվել է 171 431 ուղևոր` 2013թ. մայիսի 125 263 ուղևորի համեմատ:
Չվերթերի աճը այդ ժամանակահատվածում կազմել է 49,4 տոկոս: 2014թ. մայիսին կատարվել է 1858 չվերթ` անցած տարվա նույն ժամանակահատվածի 1244 չվերթի համեմատ:
2013թ. մայիսին դեպի «Զվարթնոց» կանոնավոր չվերթներ է իրականացրել 27 ավիաընկերություն. այս տարվա մայիսին դրանց թիվը 33 է: Օդանավակայանում նշում են, որ ավիաընկերություններից շատերն ավելացրել են իրենց հաճախականությունները բոլոր ուղղություններով, ինչը հանգեցրել է ավիատոմսերի գնի նվազմանը:
Չվերթների և ուղևորների թվի աճը «Զվարթնոց» օդանավակայանը պայմանավորում է կառավարության կողմից հայտարարված «բաց երկնքի» քաղաքականությամբ:
Ուղևորների թիվը 2013թ. մայիսին |
Ուղևորների թիվը 2014թ. մայիսին |
Տարբերությունը տոկոսային հարաբերությամբ |
|
Ժամանող |
58 571 |
78 982 |
+ 34.8 % |
Մեկնող |
66 692 |
92 449 |
+ 38.6 % |
Ընդամենը |
125 263 |
171 431 |
+ 36.9 |