ՀՀ վարչապետ Նիկոլ Փաշինյանի հրաժարականի պահանջով անհնազանդության ակցիա իրականացնող 34 անձ է բերման ենթարկվել։ Այս մասին հայտնում են ՀՀ ոստիկանության լրատվության վարչությունից։
Ըստ ոստիկանության՝ նրանք բերման են ենթարկվել վարչական իրավախախտումների վերաբերյալ օրենսգրքի 182-րդ հոդվածով նախատեսված արարք կատարելու համար, այն է՝ ոստիկանության ծառայողների օրինական պահանջը չկատարելը։
ՍիվիլՆեթը Հրանտ Մաթևոսյանի Ահնիձորում էր։ Գյուղի հին անվանումները՝ Ահնազար, Ահնիզարավար։ Մեկ-երկու տուն մտնելուց հետո Ահնիձորը դառնում է Ծմակուտ։ Փոքր Ահնիձորում մտահոգությունները շատ են՝ ծանր աշխատանք, գրական-գեղարվեստական մտորումներ և աշխարհաքաղաքական դիտարկումներ։
Հայաստանի արտաքին գործերի նախարար Արարատ Միրզոյանն ու Ադրբեջանի արտաքին գործերի նախարար Ջեյհուն Բայրամովը կհանդիպեն Ալմաթիում։ «Արմենպրես»-ի հետ զրույցում այս մասին հայտնեց ՀՀ ԱԳՆ մամուլի քարտուղար Անի Բադալյանը։ «Ինչպես հայտնել էինք, կա Հայաստանի և Ադրբեջանի նախարարների հանդիպման պայմանավորվածություն՝ ղազախական կողմի առաջարկով. հստակեցված է, որ այն կանցնի Ալմաթիում»,- նշեց Բադալյանը։ *** Ապրիլի 23-ին Ադրբեջանի նախագահ Իլհամ Ալիևը հայտարարել էր, որ Բաքուն համաձայնել է Ղազախստանում Ադրբեջանի և Հայաստանի արտգործնախարարների հանդիպում անցկացնելու առաջարկին․ «Ղազախստանը դիմել է մեզ՝ առաջարկելով Ադրբեջանի ու Հայաստանի արտգործնախարարների հանդիպում անցկացնել իր մոտ։ Մենք համաձայնել ենք ու պայմանավորվել, որ եթե Հայաստանը նույնպես դրական պատասխանի, ապա հանդիպումը Ղազախստանում տեղի կունենա»։ Հայաստանի ԱԳՆ-ն […]
2024-ի առաջին եռամսյակում նախորդ տարվա նույն ժամանակահատվածի համեմատ Երևանում բնակարանների առքուվաճառքի գործարքներն աճել են 42,3 տոկոսով։ Այդ մասին տեղեկանում ենք Կադաստրի կոմիտեի հրապարակած շուկայի վերլուծության տվյալներից։ Այս տարվա առաջին եռամսյակում Երևանում իրականացվել է 4 294 գործարք՝ անցած տարվա առաջին եռամսյակի 3017 գործարքի փոխարեն։ Գործարքներն աճել են չորս վարչական շրջաններում՝ Ավանում, Արաբկիրում, Մալաթիա-Սեբաստիայում, Շենգավիթում, մնացած յոթում դրանք նվազել են։ Ընդհանուր առմամբ, անշարժ գույքի հետ կապված գործարքները Երևանում աճել են 26,3 տոկոսով։ Գործարքները հիմնականում վերաբերել են բնակարաններին, արտադրական ու հասարակական նշանակության շինություններին, ավտոտնակներին։ Այս ամենով հանդերձ Երևանում շարունակվում է բնակարանների գների աճը։ Ըստ Կադաստրի՝ բնակարանի 1 քառակուսի մետրի միջին շուկայական գինն աճել […]
ԱՄՆ պետքարտուղար Էնթոնի Բլինքենը Ադրբեջանի նախագահ Իլհամ Ալիևին կոչ է արել «ազատ արձակել Ադրբեջանում անարդարացիորեն ձերբակալվածներին»։ ԱՄՆ պետքարտուղարության խոսնակ Մեթյու Միլլերը տեղեկացնում է, որ Բլինքենը հեռախոսազրույցում շնորհակալություն է հայտնել Ալիևին անցյալ շաբաթվա հայտարարության համար, ըստ որի՝ Հայաստանն ու Ադրբեջանը համաձայնել են օգտագործել 1991-ի Ալմա Աթայի հռչակագիրը որպես սահմանների սահմանազատման հիմք, և ընդգծել է դրա կարևորությունը երկու կողմերի համար՝ կայուն և արժանապատիվ խաղաղության հասնելու համար: Պետքարտուղարն Ադրբեջանի նախագահին կոչ է արել շարունակել երկխոսությունը հայ գործընկերոջ հետ՝ վերահաստատելով այդ ջանքերին աջակցելու ԱՄՆ-ի պատրաստակամությունը։ «Բլինքենը կրկին հորդորել է Ադրբեջանին հավատարիմ մնալ մարդու իրավունքների պաշտպանության միջազգային պարտավորություններին և ազատ արձակել Ադրբեջանում անարդարացիորեն ձերբակալվածներին»,- ասված […]
2023-ի սեպտեմբերյան պատերազմի ժամանակ ռազմական բուժքույր Արուսյակ Վարդանյանը եղել է Ամարասի հատվածում՝ սկզբում հրամանատարական դիտակետում, այնուհետև «Լուսնյակ» կոչվող սարում։ Այս ուղղությունը սեպտեմբերյան պատերազմի ամենաթեժ հատվածներից մեկն է եղել։ Բուժքույրը պատմում է 2023-ի, վաշտի տղաների, վաշտի հրամանատարի և Արցախի կորստի մասին։ Նա հույս ունի, որ վաշտի հրամանատար Սոս Ղուկասյանին հաջողվելու է վերահուղարկավորել Եռաբլուրում։ «Մարդ պիտի տեսնի իր աչքով, որ հասկանա, զգա իր կաշվի վրա, թե ինչ է հող տալը, դուրս գալը․․․»,- ասում է Արուսյակը։
Վարչապետ Նիկոլ Փաշինյանը հեռախոսազրույց է ունեցել ԱՄՆ պետքարտուղար Էնթոնի Բլինքենի հետ, հայտնում են վարչապետի աշխատակազմից։ Ըստ հաղորդագրության՝ քննարկվել են Հայաստան-ԱՄՆ երկկողմ հարաբերություններին, ապրիլի 5-ին Բրյուսելում տեղի ունեցած հանդիպմանը, ինչպես նաև Հայաստան-Ադրբեջան խաղաղության գործընթացին վերաբերող հարցեր: «Վարչապետը գոհունակություն է հայտնել Հայաստան-ԱՄՆ երկկողմ հարաբերությունների ակտիվացման առիթով: Նիկոլ Փաշինյանը կարևորել է նաև ապրիլի 5-ին Բրյուսելում ձեռքբերված պայմանավորվածությունների ի կատար ածումը՝ ընդգծելով, որ այդ պայմանավորվածություններն արտահայտված են հանդիպմանը հաջորդած մամուլի հաղորդագրության մեջ, և հանդիպումը որևէ գաղտնի օրակարգ չի ունեցել: Վարչապետը նաև դրական է արտահայտվել սահմանազատման գործընթացի մասին՝ ընդգծելով, որ Տավուշի մարզի Ոսկեպար, Կիրանց և Բերքաբեր գյուղերի բնակիչների մտահոգությունները հասկանալի են, և ամեն ինչ կարվի […]
Անցած տարի՝ այն ժամանակ, երբ Պետական վերահսկողական ծառայությունը ուսումնասիրություններ էր սկսել Հայաստանի պետական հետաքրքրությունների ֆոնդում (ANIF), դրա ղեկավարները ենթադրաբար փորձել են հիմնավորել իրենց բարձր աշխատավարձերն ու դրանց ձևավորումը, այդ նպատակով ծախսել ավելի քան 30 000 դոլար։ ANIF-ը պատվիրել է մի ուսումնասիրություն՝ համեմատելու համար, թե որքան աշխատավարձ են ստանում համանման ֆոնդերի ղեկավարները այլ երկրներում։ Այդ ուսումնասիրությունը ֆոնդը հրաժարվում է հրապարակել։ ՊՎԾ-ն մտել է ANIF, ANIF-ը՝ գտել «լուծում» ANIF-ը ստեղծվել էր 2019-ին՝ օտարերկրյա ներդրումներ ներգրավելու, ՀՀ-ում լայնածավալ ներդրումները խթանելու նպատակով։ Հիմնադրումից մինչև 2023-ի մայիս ANIF-ը գործում էր վարչապետի աշխատակազմի ենթակայությամբ, համաֆինանսավորում ներդրումներ արևային էներգետիկայի, ավիացիայի, բեռնափոխադրումների, նույնիսկ ռեստորանային բիզնեսի ոլորտներում։ Ներդրումները կատարվում […]
ՀՀ ՊՆ հաղորդագրություն է տարածել Տավուշի մարզի Կիրանցում տեղի ունեցող քաղաքական ակցիային զինվորական համազգեստով անձանց միանալու լուրերի վերաբերյալ: «Համացանցում տեսանյութ է տարածվել Տավուշի մարզի Կիրանցում տեղի ունեցող քաղաքական ակցիային զինվորական համազգեստով անձանց միանալու վերաբերյալ:ՀՀ պաշտպանության նախարարության ռազմական ոստիկանությունը միջոցներ է ձեռնարկում զինվորական համազգեստով անձանց ինքնությունը պարզելու և տարածվող տեղեկատվությանը գնահատական տալու ուղղությամբ: Միևնույն ժամանակ, ՀՀ պաշտպանության նախարարությունը զգուշացնում է, որ ՀՀ զինված ուժերին քաղաքական գործընթացների մեջ ներքաշելու ցանկացած փորձ կարժանանա համարժեք իրավական գնահատականի»,- ասված է հաղորդագրությունում։ Դեպքի առթիվ հաղորդագրություն է տարածել նաև քննչական կոմիտեն։ «ՀՀ ՊՆ ռազմական ոստիկանությունից ստացվել է հաղորդում այն մասին, որ 2024թ. ապրիլի 26-ին` ժամը 23:30-ի սահմաններում, […]
