Հարավային Կովկասում և Վրաստանի ճգնաժամի հարցերով Եվրամիության հատուկ ներկայացուցիչ Տոյվո Կլաարն իր մտահոգությունն է հայտնել Հայաստանի ու Ադրբեջանի միջև լարվածության աճի կապակցությամբ:
«Մտահոգված եմ այս շաբաթ Հայաստանի և Ադրբեջանի միջև լարվածության աճով: Կարևոր է չեզոքացնել, անդրադառնալ պատճառներին և ներգրավվել համապարփակ կարգավորման ուղղությամբ աշխատանքներում»,- Թվիթերի իր էջում գրել է Տոյվո Կլաարը:
Concerned about increase of tensions between 🇦🇲and🇦🇿 this week. Important to defuse, address causes, and engage in work towards comprehensive settlement.
— Toivo Klaar (@ToivoKlaar) November 14, 2021
Նոյեմբերի 14-ին ադրբեջանական ստորաբաժանումները փորձել էին դիրքային առաջխաղացում ապահովել հայ-ադրբեջանական սահմանի արևելյան ուղղությամբ։ Ժամը 19։00-ի դրությամբ իրադրությունը սահմանին հարաբերականորեն կայունացել էր։
