Եվրոպական խորհրդի նախագահ Շառլ Միշելը կարևորում է Բաքվի և Ստեփանակերտի միջև երկխոսությունը։
«Բաքվի և նախկին ԼՂԻՄ-ում (Լեռնային Ղարաբաղի ինքնավար մարզում) բնակվող հայերի միջև նրանց իրավունքների և անվտանգության շուրջ երկխոսությունն այժմ վճռորոշ նշանակություն ունի։ Կարևոր է զերծ մնալ առավելապաշտական դիրքորոշումներից և ձգտել երկխոսության։ Ավելի քան 30 տարվա հակամարտությունից հետո վերքերի ապաքինումը ժամանակ է պահանջում: Համարձակ որոշումներ են պետք»,- Թվիթերի իր էջում գրել է Միշելը։
Dialogue between Baku and Armenians living in former NKAO on their rights & security is now crucial.
Important to refrain from maximalist positions and aim for dialogue. After more than 30 years of conflict, wounds take time to heal. Courageous decisions are needed.@EPCMoldova
— Charles Michel (@CharlesMichel) May 30, 2023
Եվրոպական խորհրդի նախագահը նշում է նաև, որ անհամբերությամբ սպասում է Հայաստանի և Ադրբեջանի ղեկավարների հետ հունիսի 1-ին Քիշնևում կայանալիք հանդիպմանը։ Ըստ նրա՝ հանդիպումը կարևոր է «միմյանց ինքնիշխանության և տարածքային ամբողջականության նկատմամբ հարգանքը վերահաստատելու և սահմանազատման ուղղությամբ առաջընթացի, ինչպես նաև սահմանամերձ տարածքներում ռիսկերը նվազեցնելու համար»։
Looking forward to continuing discussions on ARM AZ normalisation with @presidentaz and PM @NikolPashinyan in Chisinău.
Essential to reconfirm respect for each other’s sovereignty & territorial integrity, & to advance on border delimitation, also to reduce risks in border areas.
— Charles Michel (@CharlesMichel) May 30, 2023
Մայիսի 28-ին Լաչինում Իլհամ Ալիևը հայտարարել է՝ «Ղարաբաղի հայերին մնում է մեկ ճանապարհ՝ աղբարկղը նետել կեղծ «պետական ատրիբուտները», լուծարել խորհրդարանը և ենթարկվել Ադրբեջանի օրենքներին»։ Ալիևը ասել է նաև, որ հայ-ադրբեջանական սահմանի սահմանազատումը պետք է տեղի ունենա Ադրբեջանի պայմաններով։