Եվրամիությունը չի ճանաչում սահմանադրական և իրավական շրջանակը, որում անցկացվել է Արցախի նախագահի ընտրությունը: Այդ մասին ասված է ԵՄ արտաքին գործերի և անվտանգության քաղաքականության հարցերով ներկայացուցչի խոսնակի հայտարարությունում։
«Միևնույն ժամանակ ԵՄ-ն հավատում է, որ Ղարաբաղի հայերի համար կարևոր է համախմբվել դե ֆակտո ղեկավարության շուրջ, որն ի վիճակի է և ցանկանում է ներգրավվել Բաքվի հետ արդյունավետ քննարկումներին։ ԵՄ-ն հանձնառու է աջակցել այս գործընթացին»,- նշված է հայտարարությունում։
Azerbaijan : In view of the so-called ‘presidential elections’ in Khankendi/Stepanakert on 9 September 2023, the European Union reiterates that it does not recognise the constitutional and legal framework within which they have been held. 👉 https://t.co/22Jp9HK62a
— Nabila Massrali (@NabilaEUspox) September 9, 2023
Սեպտեմբերի 9-ին Արցախի Ազգային ժողովը նախագահ ընտրեց պետնախարար Սամվել Շահրամանյանին։ Արցախի նախագահի պաշտոնում առաջադրված միակ թեկնածուն Շահրամանյանն էր։ Ըստ Արցախի Սահմանադրության՝ նախագահը խորհրդարանում ընտրվում է պատգամավորների 2/3 ձայներով։
