Ստեփանակերտ-Ասկերան ավտոճանապարհի հարակից տարածքում` բենզինի պահեստում, ուժեղ պայթյուն է տեղի ունեցել, հայտնում է Արցախի արտակարգ իրավիճակների պետական ծառայությունը։
Այս պահին տեղում աշխատում են փրկարարական և բժշկական օպերատիվ խմբերը։
Կան զոհեր և վիրավորներ։ Այրվածքներ ստացած բազմաթիվ տուժածներ տեղափոխվել են բուժհաստատություններ։
Դեպքի մանրամասների վերաբերյալ տեղեկություններ կհրապարակվեն ավելի ուշ։
Տավուշում տեղի է ունենում սահմանադրական կարգի տապալում, եթե սահմանազատումն իրականացվի այնպես, ինչպես նախատեսում է կառավարությունը․ կարծում է 44-օրյա պատերազմի ու դրանից հետո սահմանային այլ գործողությունների մասնակից, «Ազատազէն» ՀԿ-ի ղեկավար Իշխան Գևորգյանը, որը երեկվանից նստացույց է սկսել կառավարության դիմաց՝ «Ես հաշտ չեմ» պաստառով։ «Եթե կարելի է մեկի հողը խլել ու տալ թշնամուն, ուրեմն կարելի է բոլորինն էլ խլել։ Հայաստանի տարածքներն ու հողը կարող է փոփոխվել միայն սահմանադրական հանրաքվեի միջոցով, մնացած տարբերակներն ապօրինի են»,- ասում է Իշխանը։Նրա կարծիքով՝ սահմանազատում պետք է լինի, սակայն լեգիտիմ ու համաձայնեցված։ «Սահմանազատումը չպետք է լինի հետևյալ տրամաբանությամբ՝ սա տվեք մեզ, հետո կհասկանանք՝ ինչ է լինելու։ Սա նշանակում […]
Արտգործնախարար Արարատ Միրզոյանը մայիսի 2-ին հեռախոսազրույց է ունեցել Ուկրաինայի արտաքին գործերի նախարար Դմիտրո Կուլեբայի հետ: Հայաստանի ԱԳՆ-ն հաղորդում է, որ քննարկվել են երկկողմ հարաբերությունների օրակարգին և քաղաքական երկխոսությանն առնչվող հարցեր։ «Հայաստանի և Ուկրաինայի ԱԳ նախարարներն անդրադարձել են նաև տարածաշրջանային հարցերի։ Ընդգծելով Հարավային Կովկասում հարատև խաղաղության և կայունության հասնելու ջանքերը՝ Արարատ Միրզոյանն ընդգծել է Հայաստանի ու Ադրբեջանի միջև հարաբերությունների կարգավորման, այդ թվում՝ սահմանազատման գործընթացում տարածքային ամբողջականության սկզբունքի անվերապահ հարգման, 1991-ի Ալմա-Աթայի հռչակագրին հանձնառության կարևորությունն ու այս հարցում միջազգային գործընկերների, այդ թվում՝ Ուկրաինայի ԱԳՆ կողմից արտահայտված դիրքորոշումը»,- ասված է հաղորդագրությունում։
Քննչական կոմիտեն պարզել է ՊՆ «Ուրալ»-ի վթարման պատճառները, որի հետևանքով զոհվել էր 4, վնասվածքներ ստացել 20 զինծառայող։ Տրանսպորտային միջոցը վարող, ժամկետային ծառայողին ու զորամասի երկու պաշտոնատար անձանց մեղադրանքներ են ներկայացվել: Վերջին երկուսի նկատմամբ որպես խափանման միջոց է ընտրվել կալանքը։ Նախաքննությամբ տվյալներ են ստացվել, որ նշված տրանսպորտային միջոցը վարող ժամկետային զինծառայողը իրեն ամրակցված «Ուրալ» ավտոմեքենայով զորամասի մշտական տեղակայման վայրից անձնակազմը փոխադրել է նույն զորամասի պահպանության տեղամասի մարտական դիրք, որտեղ մեքենան կայանել է թեք տարածքում․ «Այդ կերպ խախտվել է ՀՀ պաշտպանության նախարարի համապատասխան հրամանով հաստատված ՀՀ ԶՈւ ավտոմոբիլային ծառայության կանոնակարգի պահանջները, ըստ որի՝ մեքենաների կանգառն իրականացվում է լավ տեսադաշտով ճանապարհի հարթ տեղանքում։ […]
Վրաստանի մայրաքաղաք Թբիլիսիում իրավիճակը շարունակում է լարված մնալ․ խորհրդարանը մայիսի մեկին ընդունեց «Օտարերկրյա գործակալների մասին» օրենքը նաև երկրորդ ընթերցմամբ՝ 83 կողմ և 23 դեմ ձայներով։ Սպասվում է երրորդ՝ վերջնական ընթերցումը։ Ոստիկանությունը ցուցարարների նկատմամբ բռնություն է կիրառել՝ ջրցաններ, արցունքաբեր գազ և հաղորդումների համաձայն՝ նաև ռետինե փամփուշտներ։ Ծեծի է ենթարկվել գլխավոր ընդդիմադիր՝ «Միացյալ ազգային շարժում» կուսակցության առաջնորդը։ Credits: Ruptly
Երբ պետությունը չի կատարում իր դերը, եկեղեցին ստիպված է վերցնում այդ դերը, ասում է Հայ առաքելական եկեղեցու Շիրակի թեմի առաջնորդ Միքայել արքեպիսկոպոս Աջապահյանը Սիվիլնեթի Արշալույս Մղդեսյանի հետ զրույցում: Նա կտրականապես դեմ է Տավուշում Ադրբեջանին տարածքներ զիջելու գաղափարին` նշելով, որ ռազմական շանտաժի պայմաններում չի կարելի գնալ զիջումների: Դիմելով վարչապետ Նիկոլ Փաշինյանին` նա նշում է. «Քեզ ընտրել են, որ պատերազմի սպառնալիքը ի չիք դարձնես։ Չես կարողանում, գնա՛»: Հարցազրույցի ընթացքում անդրադարձ է կատարվում Տավուշում ստեղծված իրավիճակին, կառավարություն-եկեղեցի հարաբերություններին և այլ հարցերի։
Պաշտպանության նախարար Սուրեն Պապիկյանը մայիսի 2-ին ընդունել է Հայաստանում ԱՄՆ դեսպան Քրիստինա Քվինին: Պաշտպանության նախարարությունը հայտնում է, որ հանդիպմանը քննարկվել են Հայաստանի և Միացյալ Նահանգների պաշտպանության բնագավառում համագործակցության ներկայիս ընթացքը և զարգացման հեռանկարները․ «Համագործակցության ներկայիս մակարդակը երկուստեք գնահատվել է բարձր: Ամերիկյան կողմն իր պատրաստակամությունն է հայտնել՝ շարունակելու աջակցությունը Հայաստանում իրականացվող պաշտպանական բարեփոխումներին»,- ասված է հաղորդագրությունում։ Պապիկյանն ու Քվինը քննարկել են նաև տարածաշրջանային անվտանգությանն առնչվող հարցեր։ «Հանդիպման ավարտին նախարար Պապիկյանը և դեսպան Քվինը ստորագրել են «Հայաստանի Հանրապետության կառավարության և Ամերիկայի Միացյալ Նահանգների կառավարության միջև զանգվածային ոչնչացման զենքի տարածմանը հակազդելու բնագավառում համագործակցության մասին» համաձայնագրի գործողության ժամկետը երկարաձգելու մասին համաձայնությունը»,- տեղեկացնում են պաշտպանական […]
Քաղաքական գիտութիւններու դոկտոր, քաղաքական յայտնի գործիչ Վիգէն Յովսէփեան «Աստղերու հաւատքով» բանաստեծական գրքով իր յայտը ներկայացուց արուեստի աշխարհին։ Ի՞նչը մղեց Վիգէնին քաղաքական, հրապարակագրական բառապաշարի կապանքներէն ազատագրուելու ճիգ կատարելու եւ՝ արեւմտահայերէնով բանաստեղծութիւններ հեղինակելու։ Վիգէնի հետ Սիվիլնեթի «Տրոփ» հարթակէն զրուցեցինք իր բանաստեղծութիւններու, անոնց ներքին հիւսուածքին, ներկայացման իւրայատկութիւններու, եւ, ամէնէն հետաքրքրական երեւոյթներէն՝ արեւելահայ, հայաստանցի ընթերցողներու կողմէ լայն, հազարներու հասնող ընդունելութեան մասին։ Զրոյցի ընթացքին չկրցանք խուսափիլ նաեւ օրուան քաղաքական խնդիրներուն անդրադառնալէ։ Զրոյցը վարեց Աբօ Պողիկեան։
Անի Գրիգորյան, #CivilNetCheck Հանրային հեռուստաընկերության եթերում մայիսի 1-ին վարչապետ Նիկոլ Փաշինյանի հետ հարցազրույցի ժամանակ հնչել է պնդում, թե Ռուսաստանը չի ողջունել Հայաստանի և Ադրբեջանի միջև մեկնարկած սահմանազատման գործընթացը։ Հարցազրուցավար Պետրոս Ղազարյանը վարչապետին ուղղված դիտարկման մեջ նշել է, թե մեկնարկած սահմանազատման գոծընթացը «ողջունել են եվրոպական կառույցները, Միացյալ Նահանգները, արաբական երկրները, մեր հարևան երկրները, բացի Ռուսաստանից»: Նիկոլ Փաշինյանն էլ իր պատասխանում չի առարկել Ղազարյանի պնդմանը։ Մինչդեռ, Ռուսաստանը ողջունել է Հայաստանի և Ադրբեջանի միջև մեկնարկած սահմանազատման գործընթացը, բայց համաձայնությունից օրեր անց։ Ապրիլի 19-ին Հայաստանի և Ադրբեջանի միջև ձեռք էր բերվել համաձայնություն՝ Տավուշի մարզի չորս գյուղերի հատվածներում սահմանագծում իրականացնելու վերաբերյալ: Ապրիլի 23-ին արդեն հայ-ադրբեջանական […]
