Աշխարհը ստիպում է մեզ հավատալ, որ չկան գեղեցկության պարզ, ոչ թանկարժեք, բայց արդյունավետ մեթոդներ: Սակայն, եթե նայենք փաստերին, գեղեցկության տարբեր միջոցներ արտադրող ընկերությունները մաս են կազմում 300 միլիոն դոլարանոց կայսրության, իսկ կինը միջինը 15 000 ԱՄՆ դոլար է ծախսում կյանքի ընթացքում շպարի պարագաների (աղբյուր) և մոտ մեկ տարի իր կյանքից՝ շպարվելու վրա(աղբյուր): Այդ պարագաների մեծ մասում պարունակվող թունավոր քիմիական բաղադրիչների մասին էլ չենք խոսում: Իրականում բնական գեղեցկությունը բացահայտել է պետք, ոչ թե ծածկել տարբեր նյութերի օգնությամբ: Գոյություն ունեն բազմաթիվ պարզ ու բնական միջոցներ դա անելու համար, առանց հսկայական գումար ու ժամանակ վատնելու: Ներկայացնում ենք դրանցից մի քանիսը՝ հեշտ, բնական, հաճելի:
1.Մազերի խնամք՝ բանանով և հավկիթով
Ձգտում եք ավելի փայլուն ու փափուկ մազերի՞․ ուղղակի խառնեք հարած հավկիթն ու տրորած բանանը, քսեք ստացված զանգվածը մազերին, թողեք 10–30 րոպե: Վերջում լվացեք ձեր սովորական շամպունով:
2.Եղունգներն ու մաշկը խոնավացնող միջոց
Եղունգները պահեք ձիթապտղի թեթևակի գոլացրած յուղի մեջ: Հինգ րոպեից հիացեք փափուկ ու խնամված մատներով:
3.Դեմքի դիմակ՝ մեղրով
Մեղրը բնական հակաբակտերիալ և մաշկը փափկեցնող միջոց է: Շաբաթական մեկ անգամ դեմքին բարակ շերտով քսեք բնական մեղր, թողեք 5 -10 րոպե, ապա լվացեք գոլ ջրով: Արդյունքը՝ փափուկ ու սնուցված մաշկ:
4.Արմունկների ու ծնկների մաշկի համար
Կիսել մեկ նարինջը և ուղղակի տրորել արմունկների ու ծնկների չորացած մաշկը: Թողնել 5 րոպե, լվանալ ջրով:
5.Մարմնի նուրբ սկրաբ
Խառնել ձիթապտղի յուղն ու ծովի աղը (վաճառվում է դեղատներում) 2:1 հարաբերությամբ, ստացվում է արագ և էֆեկտիվ սկրաբ, որը կօգնի ազատվել մահացած բջիջների շերտից՝ թույլ տալով մաշկին շնչել:
7.Դեմքի սև կետերի հեռացում
Կիտրոնի շերտի վրա կաթեցրեք 5-6 կաթիլ բնական մեղր և դրանով տրորեք դեմքի պրոբլեմային հատվածները: Թողեք 5 րոպե և լվացեք սառը ջրով: Հիշեք, որ ցիտրուսը կարող է մաշկը լուսազգայուն դարձնել, ուստի ավելի լավ է սա անել քնելուց առաջ:
8.Դեմքի չոր մերսում
Արյան շրջանառության ակտիվացման և դետոքսիկացիայի լավագույն միջոցներից է դեմքը չոր, ոչ կոշտ խոզանակով մերսելը: Այն նաև օգնում է լիմֆատիկ համակարգին, հեռացնում մահացած բջիջները, օգնում մաշկը դարձնել առավել առաձգական:
Գեղեցկությունը պահպանելու համար անչափ կարևոր են բավականաչափ քունը, առողջ սննդակարգը, կանոնավոր ֆիզիկական վարժությունները: Հիշիր՝ իսկական գեղեցկությունը սեփական մարմնի մասին ամենօրյա հոգատարության արդյունք է: