Կիպրոսը քրեականացրել է Հայոց ցեղասպանության ժխտումը: Ապրիլի 2-ին Կիպրոսի խորհրդարանը Հայոց ցեղասպանության 100-րդ տարելիցի ոգեկոչման առթիվ գումարված նիստին միաձայն ընդունել է Հայոց ցեղասպանության ժխտումը քրեականացնող օրենք: Այս մասին ֆեյսբուքյան իր էջում տեղեկացրել է Կիպրոսի ներկայացուցիչների պալատի անդամ Վարդգես Մահտեսյանը:
Կիպրոսը Հայոց ցեղասպանությունը ճանաչել է 1975թ.:
Կիպրոսում ցեղասպանությունը ժխտողները կպատժվեն 5 տարվա ազատազրկմամբ և կտուգանվեն 10 հազար եվրոյի չափով։
Կիպրոսը Եվրոպայում հինգերորդ պետությունն է Հունաստանից, Սլովակիայից, Շվեյցարիայից և Իտալիայից հետո, որ քրեականացնում է Հայոց ցեղասպանության ժխտումը։
Կիպրոսի նախագահը ապրիլի 24-ին՝ Հայոց ցեղասպանության 100-րդ տարելիցին, կլինի Երևանում:
Հայաստանի արտգործնախարար Էդվարդ Նալբանդյանը հանդես է եկել հայտարարությամբ՝ ողջունելով Կիպրոսի խորհրդարանի կողմից օրենքի ընդունումը:
Ինչպես հաղորդում են արգործնախարարության մամուլի ծառայությունից, Նալբանդյանը նշել է, որ «այս օրենքի ընդունմամբ Կիպրոսը կարևոր ներդրում կատարեց ցեղասպանությունների և մարդկության դեմ հանցագործությունների կանխարգելման վեհ գործում»։
