Հոկտեմբերի 21-ի տեղական ինքնակառավարման մարմինների ընտրությունների նախնական արդյունքներով՝ Կապանում Քաղաքացիական պայմանագիր կուսակցության ներկայացուցիչ Նարեկ Բաբայանը պարտվել է ընտրություններում։ Ընտրողների 54,4%-ը քվեարկել է անկուսակցական Գևորգ Փարսյանի օգտին։
Նույն օրը Հայաստանի ևս երեք քաղաքներում ընտրություններ էին՝ Հրազդանում, Արմավիրում և Էջմիածնում։ Հրազդանում քաղաքապետ է ընտրվել Սասուն Միքայելյանի որդին՝ Սևակ Միքայելյանը, որին, սակայն, Քաղաքացիական պայմանագիրը չէր սատարում։
Արմավիրի քաղաքապետ է դարձել Դավիթ Խուդաթյանը՝ ստանալով 68,5% ձայն։
Էջմիածնում քաղաքապետի թեկնածուի համար պայքարող 12 թեկնածուներից նույնպես հաղթել է Քաղաքացիական պայմանագիր կուսակցության ներկայացուցիչը՝ Դիանա Գասպարյանը։ Այսպիսով, Հայաստանի Հանրապետությունն ունեցավ կին քաղաքապետ, որը ստացել է ձայների 52,2%-ը։
