Գեղարքունիքի մարզի Վերին Շորժա գյուղի սահմանային հատվածում Ադրբեջանը փոխհրաձգություն է հրահրել: Տեղեկությունը «Արմենպրես»-ի հետ զրույցում հաստատել է Հայաստանի զինված ուժերի գլխավոր շտաբի տեղեկատվական բաժնի պետ, գնդապետ Սամվել Ասատրյանը:
«Ադրբեջանական զորքերն իրենք են հրահրել փոխհրաձգությունը: Հայկական կողմը ունի մեկ թեթև վիրավորում ստացած զինծառայող: Մեր տեղեկություններով՝ ադրբեջանական կողմը ունի երկու վիրավոր զինծառայող»,- ասել է Ասատրյանը:
OC Media Վրաստանում կառավարության առնվազն չորս քննադատ անհայտ անձանց կողմից հարձակման է ենթարկվել փողոցներում կամ իրենց տներից դուրս՝ երկրում օտարերկրյա գործակալների օրինագծի հակառակորդների նկատմամբ բռնության և ոտնձգությունների աճող արշավի ֆոնին: Չորեքշաբթի երեկոյան Թբիլիսիում իր շենքի մուտքի մոտ հարձակման է ենթարկվել ընդդիմադիր «Միացյալ ազգային շարժում» կուսակցության առաջնորդ Դիմիտրի Չիկովանին։ Հարձակման տեսախցիկների տեսագրությունները ցույց են տվել, որ հինգ հարձակվողները դարանակալել են նախքան Չիկովանիի վրա հարձակվելը և ծեծելը: Հարձակումից հետո Չիկովանին շարունակել է դիմադրել: «Ես ուզում եմ ասել իմ ընկերներին, այն մարդկանց, ովքեր արդեն երեք շաբաթ է՝ փողոցներում բողոքում են ռուսական օրենքի դեմ, որ այս ռեժիմն ավարտված է, նրանք չեն կարող մեզ վախեցնել, […]
Ազգային ժողովի ընդդիմադիր խմբակցությունները («Հայաստան» և «Պատիվ ունեմ») համաձայնություն են հայտնել սկսել վարչապետ Նիկոլ Փաշինյանին անվստահություն հայտնելու գործընթաց։ Այս մասին Հանրապետության հրապարակում այսօր հայտարարեց «Տավուշը հանուն հայրենիքի» շարժման ղեկավար Բագրատ արքեպիսկոպոս Գալստանյանը։ Ինչպես է այս գործընթացն իրականացվում խորհրդարանում՝ ըստ Սահմանադրության և Ազգային ժողովի կանոնակարգ սահմանադրական օրենքի․ Գևորգ Թոսունյան
21։09 Բագրատ սրբազանը հայտարարեց, որ խորհրդարանական երկու խմբակցությունների («Հայաստան» և «Պատիվ ունեմ») հետ խորհրդակցություններից հետո նրանք նախաձեռնելու են վարչապետի իմփիչմենթի գործըթնաց։ Սրբազանն ասաց, որ խաղաղ անհնազանդության ցույցեր են սկսելու ուրբաթ առավոտյան։ Նա դիմեց ուսանողներին, բուհերին դասադուլ սկսելու կոչով։ Նա դիմեց նաև ուսուցիչներին ու դասախոսներին՝ նույն կոչով։ Բագրատ սրբազանը կոչ արեց նաև մարզերի ժողովրդին անհնազանդության ակցիաներ սկսելու կոչով։ «Ամբողջ հանրապետության տարածքում այդ ճնշումը պետք է լինի»,- ասաց նա։ 20:13 Վարչապետ Նիկոլ Փաշինյանին հրաժարականի համար տված ժամանակը լրանալուց հետո «Տավուշը հանուն հայրենիքի» առաջնորդ Բագրատ սրբազանը Հանրապետության հրապարակում ընթացող հանրահավաքի ժամանակ հայտարարեց, որ խաղաղ անհնազանդության գործողություններ ենք սկսելու՝ ստիպելու հրաժարական ներկայացնել։ «Խոփդ քարին […]
Ապրիլի 19-ին հայ-ադրբեջանական սահմանին տեղի է ունեցել երկու երկրների սահմանազատման հանձնաժողովների ութերորդ հանդիպումը։ Ըստ Հայաստանի ԱԳՆ-ի՝ հանդիպման արդյունքում կողմերը համաձայնեցրել են Տավուշի մարզի չորս գյուղերի հատվածները։ Հայաստանն ու Ադրբեջանը համաձայնել են միջոցներ ձեռնարկել սահմանագծի նշված հատվածում իրենց սահմանապահ ծառայությունների միաժամանակյա և զուգահեռ տեղակայման համար: Մայիսի 6-ի դրությամբ հայ-ադրբեջանական սահմանի Տավուշ-Ղազախ հատվածում արդեն տեղադրվել է 40 սահմանային սյուն։ Տավուշում ընթացող սահմանազատման գործընթացն ուղեկցվում է բողոքի ակցիաներով։ Բողոքող տավուշցիները հայտարարում են, որ իրենց համար անվտանգային լուրջ խնդիրներ են ստեղծվում: Իշխանությունը, մինչդեռ, պնդում է՝ սահմանազատմամբ անվտանգային ռիսկերը նվազում են: Տավուշում օրեր տևած ցույցերից հետո մայիսի 4-ին ցուցարարների խումբը, Տավուշի թեմի առաջնորդ Բագրատ արքեպիսկոպոս […]
Բագրատ սրբազանի գլխավորած «Տավուշը հանուն հայրենիքի» շարժման երթի մասնակիցները հասան Հանրապետության հրապարակ։ Քիչ անց կմեկնարկի հանրահավաքը։ Մայրաքաղաքի կենտրոնական հրապարակում երթի մասնակիցներին հազարավոր մարդիկ են դիմավորել։ «Տավուշը հանուն հայրենիքի» շարժման այսօրվա երթը մեկնարկել էր Աբովյան քաղաքից՝ ժամը 11:00-ին։ Ազգային անվտանգության ծառայությունը և Ոստիկանությունը հայտարարություններ են տարածել՝ շարժման անդամներին հորդորելով պահպանել օրինականությունը, զերծ մնալ հասարակական կարգի խախտմանն ուղղված գործողություններից։ Հանրահավաքն ուղիղ հեռարձակմամբ՝ ստորև․ Ապրիլի 19-ին հայ-ադրբեջանական սահմանին տեղի է ունեցել երկու երկրների սահմանազատման հանձնաժողովների ութերորդ հանդիպումը, որի արդյունքում կողմերը համաձայնեցրել են Տավուշի մարզի չորս գյուղերի հատվածները։ Հայաստանն ու Ադրբեջանը համաձայնել են միջոցներ ձեռնարկել սահմանագծի նշված հատվածում իրենց սահմանապահ ծառայությունների միաժամանակյա և զուգահեռ […]
Վարչապետ Նիկոլ Փաշինյանն ու Ռուսաստանի նախագահ Վլադիմիր Պուտինը մայիսի 8-ին կայացած հանդիպման ժամանակ համաձայնեցրել են Հայաստանի մի շարք մարզերից ռուս զինվորականների և սահմանապահների դուրսբերումը։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, փոխանցում է ՌԻԱ Նովոստին։ Պեսկովը հավելել է, որ hայկական կողմի խնդրանքով ռուս սահմանապահները կմնան Իրանի և Թուրքիայի հետ սահմանին: ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը տեղեկացնում է, որ հանդիպմանը հաստատվել է նաև «Զվարթնոց» օդանավակայանում ՌԴ սահմանապահների գործունեությունը դադարեցնելու որոշումը: «Համաձայն ձեռք բերված պայմանավորվածության, 44-օրյա պատերազմի ընթացքում և դրանից հետո Տավուշի, Սյունիքի, Վայոց ձորի, Գեղարքունիքի, Արարատի մարզերում տեղակայված ռուս սահմանապահ և զինվորական կետերը կդադարեցնեն իրենց տեղակայումը […]
