«Համանախագահները Բաքվին կոչ են արել թույլատրել վերցնել օդաչուների մասունքները, իսկ Երևանին՝ լիարժեք համագործակցել». Հեֆերն:
«Մինսկի խումբը խիստ հայտարարություն է տարածել՝ կոչ անելով հնարավորություն տալ մոտենալու խոցված ուղղաթիռի օդաչուների աճյուններին։ Լարվածության թուլացումը կողմերի խնդիրն է». այսպիսի գրառում է արել Հայաստանում ԱՄՆ դեսպան Ջոն Հեֆերնը՝ թվիթերյան ասուլիսի ժամանակ՝ ի պատասխան օգտատերերից մեկի հարցի, թե «ինչպե՞ս եք մեկնաբանում միջազգային հանրության՝ ուղղաթիռի անկման վայրին մոտենալու հնարավորություն չապահովելու անկարողությունը»։
#chatwamb @araks91_araks Minsk co-chairs issued strong statement calling for access to remains. Up to parties to reduce tension.
— John Heffern (@AmbHeffern) November 25, 2014
Նոյեմբերի 25-ին` Երևանի ժամանակով ժամը 15:00-ից մինչև 16:00-ը, Հայաստանում ԱՄՆ, Միացյալ Թագավորության, Եվրոպական Միության և Լիտվայի դեպանները մասնակցել են թվիթերյան հարցուպատասխանի։
Հարցին, որ միջազգային հանրությունը քննադատության է արժանացել ուղղաթիռի կործանման հարցում Ադրբեջանին չքննադատելու համար և ինչո՞ւ է հավասարության նշան դրվում, դեսպան Հեֆերնը պատասխանել է.
«Համանախագահները Բաքվին կոչ են արել թույլատրել վերցնել օդաչուների մասունքները, իսկ Երևանին՝ լիարժեք համագործակցել»:
#chatwamb @ditord Co-chairs called on Baku to permit recovery of remains and Yerevan to cooperate fully. — John Heffern (@AmbHeffern) November 25, 2014
Հարց է հնչել նաև, թե ինչ է արել Արևմուտքը սեպտեմբերի 3-ից հետո ցույց տալու Հայաստանի հանրությանը, որ Եվրասիական տնտեսական միությանը միանալու որոշումը սխալ էր: Հայաստանում Եվրոպական Միության պատվիրակության ղեկավար Տրայան Հրիստեան պատասխանել է.
«ԵՄ-ն հարգում է Հայաստանի որոշումը միանալու Եվրասիական տնտեսական միությանը: Մենք ափսոսում ենք, որ չկարողացանք ստորագրել Ասոցացման համաձայնագիրը, որի համար բանակցել էինք ավելի քան երեք տարի»:
@araks91_araks #ChatWAmb EU respects RA’s decision to join the EEU. We regret we could not sign the AA we had negotiated for moe than 3 year
— Traian Hristea (@THristea) November 25, 2014
Հարցին, թե ինչպես է Հայաստանի համագործակցությունը Արևմուտքի հետ նպաստելու հայ ուսանողների կրթությանն առհասարակ, ԱՄՆ դեսպանը պատասխանել է. «Արևմուտքի հետ համագործակցությունը բերում է տնտեսական հնարավորություններ, միջազգային արժեքներ և մատչում դրսի աշխարհին»:
#chatwamb @unknownVS13 partersnership w/west brings econ opportunity, international values, and access to the outside.
— John Heffern (@AmbHeffern) November 25, 2014
Հեֆերնը այնուհետև մանրամասնել է, թե ինչ է նշանակում մատչում դրսի աշխարհին. «Անգլերեն լեզու, ամերիկյան կրթություն, արևմտյան ներդրումներ, միջազգային լավագույն փորձ, արևմտյան գործընկերների հետ կապեր»: