Լեռնային Ղարաբաղում լարվածությունը կարող է վերաճել Հայաստանի և Ադրբեջանի միջև լայնամասշտաբ ռազմական հակամարտության, որի մեջ կարող է ներքաշվել Ռուսաստանը՝ աջակցելու իր տարածաշրջանային դաշնակցին․ այսպիսի պնդում է անում ԱՄՆ Ազգային հետախուզության ղեկավար Դենիել Քոութսն իր զեկույցում։
«Լեռնային Ղարաբաղում լարվածությունը կարող է վերաճել Հայաստանի և Ադրբեջանի միջև լայնամասշտաբ ռազմական հակամարտության, որի մեջ կարող է ներքաշվել Ռուսաստանը՝ աջակցելու իր տարածաշրջանային դաշնակցին։
Երկու կողմերի՝ փոխզիջման գնալու դժկամությունը, ներքին ճնշման աճը, Ադրբեջանի կայուն ռազմական արդիականացումը և Հայաստանի կողմից ռուսաստանյան նոր սպառազինությունների ձեռք բերումը 2018թ․ լայնամասշտաբ բախումների ռիսկ են ստեղծում»,- նշվում է զեկույցում։